REACTIVACIÓN RADIO PIRATONA

Despois de varios anos movéndose por diferentes espazos da cidade de Vigo, Radio Piratona para en Alg-a Laboratório. E de paso propoñémosvos darlle un novo pulo e favorecer novas sinerxias, de cara a conservar e ampliar un medio de comunicación como este, tan vencellado á autoxestión, a cultura libre e independente e os movementos sociais e culturais. E con este motivo convidámosvos á Asamblea aberta que celebraremos o vindeiro sábado 30 NOV ás 16 H na propia sede de Alg-a Lab.

Queremos unha Radio Piratona que fomente o local, as relacións socio-culturais do entorno máis inmediato: @s veciñ@s de Valadares e Vigo; mais tamén queremos facer conexións deslocalizadas, seguramente alén das ondas de FM, ainda que en interacción coas mesmas. 

Se tes algunha idea, queres facer o teu programa ou colaborar dalgún modo, asiste a vindeira asamblea ou ponte en contacto connosco. Algunhas entidades de Valadares coas que podemos colaborar son: Centro Veciñal e Cultural de Valadares, Comunidade de Montes, Banco de Tempo ou a Comisión de Festas de Valadares. 

Antena de radio DIY instalada en Alg-a Lab